菊門獨龍轉!

話說某日小弟痾屎帶血。
本來都無乜野,又唔痛唔剩。
但係話俾阿護士姐姐聽之後呢,
佢就話不如陪我睇下醫生好D。

因為大便有血(Blood in Stool) 可大可小。
有好多嚴重疾病嘅先兆都係大便有血。
但係都可能只係痔瘡或者本人熱氣。


經過那位年輕貌美嘅男醫生使出失傳已久嘅
菊門獨龍轉(即係佢地醫護界所謂嘅PR)之後,
醫生並無發現任何異樣。
但由于醫生手指之長度與人類大腸相差什遠,
所以以防萬一,醫生提議去照一次內窺鏡。(俗稱scope。)
此亦為本人所願,要驗查就查清楚D好。


原先預約好係7月30號。
但係因為小弟睇醫生時係去醫院診所。算為A-Class。
收費好貴。照一次要成百零蚊波紙。

有見及此,我地決定去搵C-Class嘅服務,因為可以用自己嘅公積金扣除大部分收費。
收費只係幾十蚊。
但係待遇就好唔同。個appointment變左去十月尾。
嘩有無攪錯。當然唔制。
好在護士姐姐喺醫院識人幫到我改到appointment。
係正8月15。吹脹又會咁Q。

睇下點?……

Comments

Popular Posts